-Litratong Pinoy-MITHI
Oil in Canvass
title: “FAMILY”
Nailathala ko na ang painting kong ito. Isa sa paborito ko. Ano naman ang kinalaman nito sa tema ng litratong pinoy ngayong linggo? Isa lang ang minimithi ko sa mga sandaling ito ang makapiling ko ang aking pamilya. Ang obra ko na iyan ay binigyan ko ng titulong “Family” sapagkat iyan ang simbolo ng aming pamilya.
Maligayang LP sa lahat!
tema: Ako…o ang parte ko
Maligayang araw ng martes sa lahat!
Maaga ngayon ang LP day, sa halip na huwebes eh…ginawa munang martes pansamantala kung bakit? punta na lang kayo dito.
Ako at ang parte ko? O sige ang unang larawan ay nagpapakita sa aking biloy (dimple). May kuwento kasi iyan. Tandang tanda ko pa mga anim na taon ako noon, naglalaro kami ng aking kapatid na lalaki. Umiikot habang nakadipa. Di ba ang sarap niyon? Paghinto niyo mahihilo ka at matutumba tumba. Naglalagay kami ng unan sa palibot para matumba man kami sa malambot na unan ang bagsak namin. Ang kaso mo, natumba nga ako pero hindi sa unan bumagsak kundi sa kanto mismo ng mesa tumama ang kanang pisngi ko. Masakit siyempre, pero hindi ko pinaalam sa aking magulang. Hindi naman siya namaga o nagkasugat. Masakit lang talaga. Hangga’t napansin nila na medyo may malalim na parte sa pisngi ko, ayun sinabi ko na rin ang tutuo. Pinatingnan nila ako sa doktor. At ang sabi wala naman daw malalang pinsala. Kaya ayan nagka-instant biloy ako. Huwag niyo try…kasi masakit! 
Vain muna ako ngayon.
Ang pangalawang larawan naman ay pansinin niyo ang klos ap ng aking pang-ibabang labi. Kissable lips ba? Joke! Hindi iyan. Kundi ang maliit na guhit na kulay puti. Sa kakulitan ko rin iyan noong ako’y bata pa, kinuha ko ba naman ang timba sa banyo at pinaglaruan ko. Sumakay ako sa loob niyon at idinuyan duyan hangga’t sa nawalan ng balanse at nasubsob ang aking mukha. Tumama naman ang aking nguso sa kung anong nakausli. Nasugat iyan at dinala ako sa doktor para tahiin. Dalawang beses pang tinahi iyan kasi nang gumagaling na medyo makati at may nakapa akong hiblang maliit. Hinila ko po at ayun tinahi uli. ewww! Pasaway ‘no? Mabuti na lang pala at ang pang-ibabang labi ko ang nadisgrasya. Kung nagkataong yung pang-itaas “ay na-u! ngo-ngo ‘ana an lola niyo”!
Maligayang paglalakbay sa madam admin! At gudlak sa grand EB ng mga miyembro ng Litratong Pinoy sa Agosto 9, sa Intramuros at Rizal park Manila. Tara na at magsaya!
- tema: Dalampasigan
Ang dalampasigan sa araw, masaya…buhay na buhay at makulay.
at pagsapit ng dapithapon….
tema: LUNTIAN
Luntian! Tamang tama…panahon na ng tag-init dito sa Tsina, ang dating mga lagas at walang kulay na mga puno’t halaman noong panahon ng tag-lamig ay nagkaroon na ng buhay at kulay. Ang gandang pagmasdan.
Ang parkeng eto ay malapit lamang sa tinitirhan ko kaya okay na okay maglakad dito pagkagaling sa trabaho. Nakakarefresh ng feeling! At ang likuran nito ay dagat na.
Eto naman ay nasa labasan lamang. Minsan kinukulit ko si asawa na ipitas ako ng mga bulaklak diyan. Kaso ayaw at nakakahiya raw. Oo nga naman ano…ako talaga oo!
Ang mamula-mula at may halong berdeng prutas. Maligayang araw ng mga kaberdehan este kaluntian…tama ba? hmm…
tema: Balingkinitan
Kumusta mga kapatids na litratista? Namiss ko kayo! Dalawang linggo ng LP ang hindi ako nakasali. Nagkaproblema ang isang site ko kaya sumulat ako kay madam admin na lilipat na lang ako dito. Salamat madam.
Medyo nahirapan ako sa ating tema, balingkinitan? Wala akong maisip na ilahok, marami naman sanang balingkinitan dito sa paligid ko kaya lang mahirap nang kuhanan sila ng larawan at ilathala dito baka tayo’y mademanda.
Sarili ko na lang kaya? Sabi ng konsensiya ko..“mahiya ka, balingkinitan ka ba?” ay oo nga pahiya ako. Those were the days pa pala iyon, hay…miss ko na ang kaseksihan ko noong araw. “YUCK”! sabi uli ng konsensiya ko.
Kaya ayan kinuhanan ko na lang ng litrato ang ipininta ko. Balingkinitan naman siya ‘di ba? Pwede na ba iyan?
Doon nga pala sa mga gustong sumali, bisita lang kayo dito http://www.litratongpinoy.com hanggang sa muli. Adiyos!
